Գույն + երաժշտություն = առողջություն

Գույնն ու երաժշտությունը շատերի համար հետաքրքրություն են, ոմանց համար` սեր: Երբևէ մեզանից մեկը մտածե՞լ է, որ դրանք կարող են անմիջական ազդեցություն ունենալ մեր առողջության վրա:

Հոգեբան Սուսաննա Աղեկյանի կարծիքով` գույնն ու երաժշտությունն ազդում են մարդու մտքի, վարքի, առողջության վրա և վերականգնում հոգեկան հավասարակշռությունը:

«Եթե կարողանանք հասկանալ գույների և երաժշտության լեզուն, անկասկած, կդառնանք ավելի իմաստուն, կամրապնդենք առողջությունը, կազատվենք մի շարք տկարություններից»,- հավաստիացնում է նա:

Թիվ 19 պոլիկլինիկայի նյարդաբան Քրիստինե Ավետիսյանն էլ կարծում է, որ երաժշտաթերապիան և գունաթերապիան զուտ հոգեբանական բուժման մեթոդներ են. «Սակայն, միևնույն ժամանակ, դրանք ոչ միայն կանխում են հիվանդության զարգացումը, այլև բուժում»: