Վիրահատության ժամանակ երաժշտություն են լսում

Բրիտանացի փորձագետների անցկացրած հարցումներից պարզ է դարձել, որ վիրաբույժների 90 տոկոսը վիրահատությունների ժամանակ երաժշտություն է լսում: Ընդ որում` հարցվածների կեսը նախապատվություն է տալիս ռոք ոճի արագ երաժշտությանը. տեղեկանում ենք drugs.am կայքից:

Հարցված բժիշկների 17 տոկոսն ասել է, որ նախընտրում է փոփ երաժշտություն, իսկ 11 տոկոսը` դասական: Բժիշկների մեծ մասն ասել է, որ երաժշտությունը հնարավորություն է տալիս ստեղծելու ներդաշնակ և հանգիստ մթնոլորտ, և միայն հարցվածների 30 տոկոսին այն թույլ է տալիս չձանձրանալ վիրահատությունների ժամանակ:

Ի դեպ, ամենաշատը երաժշտություն լսում են այն վիրաբույժները, ովքեր պլաստիկ վիրահատություններ են անում: Քթի, կոկորդի և ականջների հետ գործ ունեցող վիրաբույժներն ամենաքիչն են նախընտրում երաժշտությունը:

Հարցվածների 15 տոկոսն էլ նշել է, որ երգում է աշխատանքի ժամանակ: