Ես լսել չեմ ուզում դրա մասին. Դավիթ Տոնոյան

 «Ես ամենաառաջին շահագրգռվածն եմ, որ դեպքը բացահայտվի, եթե դեռևս չի բացահայտվել, կան անձինք, որ ուղղորդել են կամ չգիտեմ՝ ինչ են արել»,- այս մասին լրագրողների հետ զրույցում ասաց ՀՀ Պատպանության նախարար Դավիթ Տոնոյանը, ով այցելել է «Եռաբլուր» պանթեոն՝ հարգանքի տուրք մատուցելու հոկտեմբերի 27-ի զոհերի հիշատակին:

Նա նշեց, որ մարդիկ դատապարտված են, հիմա նստած, դատապարտված անձինք կան.

«Ո՞նց թե գործը չի բացվել: Ինչքանով որ դատաքննությունն ավարտվել է, համարում եմ ավարտված, մնացած խնդիրների վերաբերյալ խոսել չեմ կարող: Եթե ժամանակի ընթացքում նոր վկայափաստեր հայտնվեն, գուցե փոփոխություն կատարվի։  Հնարավոր չի, որ չբացահայտվի, այնպիսի բաներ են բացահայտվել 30, 40, 50 տարի հետո»,-ասաց Տոնոյանը:

Նաիրի Հունանյանի վաղաժամկետ ազատվելու հնարավորության մասին հարցին էլ պաշտպանության նախարարը պատասխանեց.

«Ես լսել չեմ ուզում դրա մասին»: