Երբևէ չեմ լսել, որ որևէ նախագահ «արա» բառն արտասանի. թուրք փիլիսոփան՝ Էրդողանի մասին

Թուրքիայում հայտնի բանաստեղծ, գրող, փիլիսոփա Հիլմի Յավուզը խոսել է նախկին նախագահներ Թուրգութ Օզալի և Նեջմեթթին Էրբաքանի մասին՝ համեմատական տանելով ներկայիս նախագահ Ռեջեփ Թայիփ Էրդողանի հետ: Նրա խոսքով՝ նախկին նախագահների դրական հատկություններն ամբողջությամբ բացակայում են Էրդողանի մոտ:

Cumhuriyet-ին տված հարցազրույցում 80-ամյա գրողն ասել է, որ ինքն ապրել է Թուրքիայի երկրորդ նախագահ Իսմեթ Ինոնուին հաջորդած բոլոր նախագահների ժամանակաշրջանում, սակայն, ի տարբերություն Էրդողանի, ականատես չի եղել նրանցից որևէ մեկի` «արա» բառն արտասանելուն:

Նրա խոսքով՝ Թուրքիան դեմոկրատական երկիր դառնալու` դեռ 200 տարի ունի: «Ասում են «Նոր Թուրքիա», սակայն Թուրքիայում փոփոխվող ոչինչ կա»,- ասել է Յավուզը:

Նա համոզված է՝ խարիզման դրական հատկությունների վրա է կառուցվում, ինչը բացակայում է Էրդողանի մոտ:

Օրինակ բերելով Թուրքիայի նախորդ նախագահներ Դեմիրելին, Էրբաքանին և Օզալին՝ թուրք փիլիսոփան ասել է. «Նրանք մասնագիտական ինքնություն ունենալու պատճառով արտասահմանյան փորձառություն ունեին: Նրանք երեքն էլ ուսանել են արտասահմանում՝ ԱՄՆ-ում և Գերմանիայում: Երեքն էլ ունեն բյուրոկրատական պետության փորձ: Լավ, թե` վատ, երեքն էլ երեք օտար լեզվի էին տիրապետում: Նրանց քաղաքական խարիզման հիմնված էր դրա վրա, սակայն այս հատկությունները բացակայում են Էրդողանի մոտ: Նա բացասական խարիզմա ունի, որը հիմնված է գոյություն չունեցող բաների վրա»: