Հայկ Մարությանը որոշում կայացնելիս շրջանցել է վերադասին. «Ժողովուրդ»

 «Ժողովուրդ»-ը գրում է. «Գործադիրն այս տարվա օգոստոսի 8-ի նիստում որոշեց Հայաստանի բնակավայրերում աղբահանության կազմակերպման և սա­նիտարական մաքրման ոլորտում լիազոր մարմին ճանաչել ՀՀ տարածքային կառավարման և եևթակառուցվածքների նախարարու­թյանը: Եվ ենթադրվում էր, որ Երևանի քաղաքապետ Հայկ Մարությանը մինչև «Սանիթեքի» հետ կնքած պայմանագրի միակողմա­նի լուծումը այդ հարցը կքննարկեր վերադաս մարմին համարվող նախարարության հետ:

Այնինչ քաղաքապետ Մարությանը, փաստո­րեն, լրիվ միանձնյա է որոշել լուծարել «Սանիթեքի» հետ պայմանագիրը՝ շրջանցելով Տարածքային կառավարման և ենթակառուց­վածքների նախարարությանը: «Ժողովուրդ» օրաթերթը, դիմելով քաղաքապետարան, հետաքրքրվեց՝ քննարկվել է արդյոք նա­խարարության հետ «Սանիթեք»-ի հետ կնքած փաստաթուղթը լուծելու մասին որոշումը, թե ոչ:

Երևանի քաղաքապետարանից մեզ հայտնում են, որ Տարածքային կառավարման և ենթակաոուցվածքների նախարարությունն աղբահանության կազմակերպման և սանիտարական մաքրման ոլորտում լիազոր մարմին ճանաչելը չի նշանակում, որ քաղաքապետարանը «Սանիթեք» ընկերության հետ պայմանագիրը լուծելու որոշումները պետք է քննարկեր նախարարության հետ: Եվ նույն սկզբունքով էլ, ըստ քաղաքապետա­րանի պարզաբանման, Տարածքային կառավարման և եևթակառուցվածքների նախարարության հետ քննարկումներ չեն արել «Սա­նիթեքի» հետ աղբահանության և սանմաքրման պայմանագրերը կնքելիս: Ավելի պարզ ասած՝ քաղաքային իշխանությունն ասում է՝ ամենևին էլ պարտավոր չէին խնդիրը նախարարության հետ քննարկել: Բայց «Ժողովուրդ» օրաթերթին հայտնի դարձավ, որ Տա­րածքային կառավարման և ենթակառուցվածքների նախարարությունում չեն ողջունում քաղաքապետի մենիշխանությունն այս հար­ցում: Այսինքն՝ Հայկ Մարությանը բեկումնային այս որոշումը կայացնելիս պարզապես շրջանցել է վերադասին»։

Մանրամասները՝ թերթի այսօրվա համարում։