Վերադասին քծնելը ավելի տգեղ բան է. Պետրոս Ղազարյանը` Շմայսին

«Կենտրոն» հ/ը «Ուրվագիծ» հաղորդման հեղինակ Պետրոս Ղազարյանն  իր Facebook-ի էջում անդրադարձել է «Ազատություն» ռադիոկայանի` Առաքել Մովսիսյանի (նույն ինքը` Շմայս) հետ հարցազրույցին` գրելով.

«Մի անգամ ասել եմ,որ Զարուհի Փոստանջյանի հարցը` կազինոների մասին, իմ սրտով չէր։ Սակայն երեկ «Ազատություն»- ով լսեցի , որ Շմայսը, այս էլ երկրորդ անգամ` հրապարակավ հայհոյում է Զարուհուն։

Մեր երկրում շատ աղաղակող անարդարություններ կան՝ մարդասպան են բաց թողնում,անմեղ մարդկանց են նստեցնում և այլն, և այլն...

Չեմ հիշում, որ նորմալ մարդու արժանապատվությունը ոտնահարող այս դեպքերի մասին Շմայսը երբևէ ծպտուն հանած լիներ։

Հիմա, երբ սխալ բան է եղել Սերժ Սարգսյանի նկատմամբ, Շմայսն անդադար հայհոյում է Զարուհուն, ինչը ոչ թե սկզբունքայնություն է, այլ` սովորական քծնանք։ Էլ չեմ ասում,որ Զարուհին կին է,մի քանի երեխաների մայր։

Զարուհու արածը լավ բան չէր, բայց բռիությունդ ի ցույց դնելով`վերադասին քծնելն ավելի տգեղ բան է»։ 

Լուսանկարը` Պետրոս Ղազարյանի Facebook-ի էջից