Արեւմտյան Սիբիրից եկող սառը հոսանքը Հայաստանում կբախվի տաք օդային հոսանքներին

Սեպտեմբերի 7-ից եւս մեկ քայլ կանենք դեպի աշուն։ Այս մասին Facebook-ի իր էջում գրել է ԱԻՆ օդերևութաբանական ծառայության պետ Գագիկ Սուրենյանը:

«Հյուսիսարեւելքից (Արեւմտյան Սիբիր) եկող արկտիկական ցուրտ օդային հոսանքների ներթափանցմամբ պայմանավորված, սեպտեմբերի 7-9-ին օդի ջերմաստիճանը հանրապետության ողջ տարածքում աստիճանաբար կնվազի 8-10 աստիճանով:

Եկող արկտիկական օդը բախվելով մեր տարածաշրջանում առկա արեւադարձային տաք օդային հոսանքների հետ կառաջացնի մթնոլորտային ճակատ, ինչի արդյունքում սեպտեմբերի 7-ին առանձին շրջաններում, 8-10-ին ողջ հանրապետությունում սպասվում է անձրեւ եւ ամպրոպ, Լոռիում, Տավուշում , Սյունիքում եւ Արցախում նաեւ մառախուղ»,- նշել է նա: