Մահացել է բեն Լադենի որդին. NBC

ԱՄՆ-ը հետախուզական տեղեկատվություն է ստացել այն մասին, որ մահացել է «Ալ Քաիդա» ահաբեկչական խմբավորման հիմնադիր Ուսամա բեն Լադենի որդի և ժառանգորդ Համզա բեն Լադենը, հայտնում է ամերիկյան NBC հեռուստաալիքը՝ հղում անելով ԱՄՆ վարչակազմի երեք ներկայացուցչի։

Պաշտոնյաները հավելյալ որևէ տեղեկություն չեն տրամադրել նրա մահվան վայրի, հանգամանքների կամ ԱՄՆ-ի հնարավոր ներգրավվածության մասին:

Նշվում է նաև, որ ԱՄՆ-ն ավելի վաղ մինչև մեկ միլիոն դոլարի պարգևավճար էր խոստացել Համզայի մասին տեղեկության տրամադրման համար: Նրա դեմ գործում են ԱՄՆ պատժամիջոցները: Պետքարտուղարության տվյալների համաձայն՝ նա պաշտոնապես գրանցված է «Ալ Քաիդա»-ի շարքերում և հանդես է գալիս արևմտյան երկրների մայրաքաղաքների դեմ հարձակումներ իրականացնելու կոչերով ու հորդորներով։

ԱՄՆ պետքարտուղարության դիվանագիտական անվտանգության բյուրոյի հավաստմամբ՝  Համզան կարող էր թաքնվելիս լինել Աֆղանստանի և Պակիստանի սահմանային տարածքում կամ Իրանում: