Բեն Լադենի նոթատետրն ընկել է ԱՄՆ հատուկ ծառայությունների ձեռքը

Ամերիկյան հատուկ ծառայությունների ձեռքն է ընկել Ուսամա բեն Լադենի նոթատետրը, որում աշխարհի թիվ 1 ահաբեկիչը գրառել է նոր ահաբեկչությունների գաղափարները: Նոթատետրը հայտնաբերվել է Աբոտաբադի առանձնատանը, որտեղ սպանել են ահաբեկչին:

Դրանում ընդգծված են ամերիկացիների տոնական օրերը, օրինակ` ԱՄՆ անկախության օրը (հուլիսի 4), Սբ Ծնունդը (դեկտեմբերի 25), նաեւ սեպտեմբերի 11-ի ահաբեկչության 10-րդ տարելիցը: Վաշինգտոնը եւ Նյու Յորքը հիշատակվում են որպես հնարավոր ահաբեկչությունների կենտրոններ: Բացի այդ` գրառումներ կան ամերիկյան երկաթուղիներում իրականացվելիք պայթեցումների վերաբերյալ:

Սակայն նոթատետրում ահաբեկչությունների իրականացման ոչ մի կոնկրետ օր ու ժամ չի նշված, ինչը վկայում է, որ դրանք ընդամենը գաղափարներ են, այլ ոչ թե կոնկրետ գործողության ծրագրեր:

Հայտնաբերված այլ փաստաթղթերից պարզ է դառնում նաեւ, որ բեն Լադենի առանձնատունը ահաբեկիչների շտաբն է եղել, այնտեղից է համակարգվել նրանց աշխատանքը. տեղեկացնում է РБК-ն: