Անիում հրդեհներ են բռնկվել

Անիի ավերակներում չոր խոտի բռնկման հետևանքով հրդեհ է առաջացել, որը քամու միջոցով տարածվել է և ընդլայնվել. հաղորդում է ermenihaber.am կայքը:

Անիի ավերակներում աշխատող անվտանգության աշխատակիցները իրենց ձեռքի տակ ունեցած միջոցներով փորձել են մարել կրակը։ Այնուհետև դեպքի վայր է ժամանել  նաև հրշեջ ծառայությունը և ամբողջովին չեզոքացրել բռնկված հրդեհը։

Արդեն ավանդույթի համաձայն` թուրքական պետական լրատվամիջոցը Անին ներկայացնում է ոչ թե որպես հայկական մշակութային ժառանգություն, այլ՝ որպես «տարբեր քաղաքակրթությունների օրրան», որն ընդգրկված է ՅՈՒՆԵՍԿՕ-ի համաշխարհային ժառանգության ցանկում և որտեղ գտնվում են 11-12-րդ դարի իսլամական ճարտարապետության նմուշներ։

Թուրքական աղբյուրի հրապարակած նյութում Հայաստանի մասին հիշատակվում է միայն այնքանով, որ Անին գտնվում է Թուրքիա-Հայաստան սահմանին։