Իրանն իր քայլերով չի խախտում գործող համաձայնագրերը. Լավրով

Մոսկվան շահագրգռված չէ, որ Իրանի շուրջ իրավիճակը սրվի: Այդ մասին այսօր ԵԱՀԿ ԱԳ նախարարների` Սլովակիայում կայացած հանդիպումից  հետո տեղի ունեցած մամուլի ասուլիսում հայտարարել է ՌԴ ԱԳ նախարար Սերգեյ Լավրովը. հայտնում է РИА Новости-ն:

Ըստ նրա` ՌԴ-ն ակնկալում է, որ Թեհրանը զսպվածություն կցուցաբերի, սակայն, միևնույն ժամանակ, իր քայլերով երկիրը չի խախտում գործող համաձայնագրերը:

«Իրանը սկսել է հարստացնել ուրանը 3,67 տոկոսից բարձր` հասցնելով սկզբի  համար 5 տոկոսի, անուհետև, հավանաբար, կշարունակի դա անել, սակայն երկիրը չի խախտում ո’չ գործարքը, ո’չ Ատոմային էներգիայի միջազգային գործակալության հետ համաձայնագիրը»,- ասել է Լավրովը: