Գերմանիայի թուրքերը Հայոց ցեղասպանության հուշարձանի կառուցման որոշման դեմ բողոքի ակցիա են կազմակերպել

Գերմանիայի Ֆրանկֆուրտ քաղաքի մերձակա Փոլհայմ գյուղաքաղաքի խորհուրդը Հայոց ցեղասպանությանը նվիրված հուշակոթող կառուցելու որոշում էր կայացրել:

«Հեսենի թուրքական կազմակերպությունների նախաձեռնողական պլատֆորմը» (HTDIP) բողոքի ակցիա է կազմակերպել խորհրդի դիմաց և  պահանջել, որ չեղյալ հայտարարվի կայացված որոշումը: HTDIP-ը նշել է, որ խորհրդի կայացրած որոշումը հող է նախապատրաստում նոր թշնամության համար և ազդելու է, որ խաղաղության մեջ ապրել ցանկացողների միջև թշնամություն սերմանվի:

HTDIP-ի խոսնակ Հուսեյթ Քուրթը հայտարարել է, որ դա պատմության և իրավունքի հետ աղերս չունեցող, ատելություն, թշնամություն հրահրող որոշում է. հաղորդում է haber7.com կայքը: