Վաշինգտոնում համանախագահներն առաջարկեցին դուրս բերել զորքերը և խաղաղապահներ տեղակայել. Մամեդյարով

Պաշտոնական Բաքուն սպասում է ԵԱՀԿ ՄԽ համանախագահների կողմից Հայաստանի և Ադրբեջանի ԱԳ նախարարների նոր հանդիպման ժամկետների վերաբերյալ առաջարկին: Այդ մասին այսօր ասել է Ադրբեջանի ԱԳՆ ղեկավար Էլմար Մամեդյարովը. հայտնում է Москва-Баку-ն:

 «Ես Նոստրադամուսը չեմ, որ ասեմ` երբ կլինի նոր հանդիպումը: Որքան շուտ, այնքան լավ»,- նշել է նա:

Խոսելով վերջին հանդիպման մասին` Մամեդյարովն ասել է. «Այդ հանդիպման դրական կողմն այն է, որ համանախագահները մեզ առաջարկներ են տվել քննարկելու համար: Դրանք նո՞ր են, թե՞ հին: Մենք դրանք քննարկում ենք արդեն 15 տարի: Վաշինգտոնում համանախագահներն առաջարկեցին դուրս բերել զորքերը և խաղաղապահներ տեղակայել, սակայն այդ ուղղությամբ հարկավոր է աշխատել»:

Ըստ Մամեդյարովի` Ադրբեջանի դիրքորոշումն մնում է անփոփոխ` հայկական զորքերը պետք է դուրս բերվեն «ադրբեջանական տարածքներից»: