Էրդողանը պատմել Պուտինին Թրամփի հետ խոսակցության մանրամասները

Թուրքիայի նախագահ Ռեջեփ Թայիփ Էրդողանը Վլադիմիր Պուտինին պատմել է Դոնալդ Թրամփի հետ ունեցած հեռախոսազրույցի մասնրամասները. քննարկել են Ս-400-ներին և Սիրիային վերաբերող հարցերը Այս մասին հաղորդում է «Սպուտնիկ»-ի թուրքական ծառայությունը:

Էրդողանը «Արդարություն և զարգացում» կուսակցության ժողովներից մեկում հայտարարել է, որ Թրամփին առաջարկել է ստեղծել համատեղ հանձնաժողով` Ս-400 ՀՕՊ համակարգերի գնման գործընթացի համար և դրանում ներգրավել ՆԱՏՕ-ի ներկայացուցչի: Նա նշել է, որ Թրամփը դրական դիրքորոշում ունի այդ հարցում, սակայն ԱՄՆ Կոնգրեսը դեմ է դրան: Այս մասին Էրդողանը հեռախոսազրույցի ընթացքում պատմել է Պուտինին:

Նշենք, որ Ս-400-ների առաջին խմբաքանակը նախատեսվում է մատակարարել հունիս ամսին: