ԻՊ-ի գրոհայինները հնարավոր է նոր հարձակումներ ձեռնարկեն Ասիայում և Աֆրիկայում

Հետախուզական ծառայությունները ենթադրում են, որ «Իսլամական պետության» գրոհայինները Ասիայի և Աֆրիկայի զբոսաշրջային գոտիներում կարող են ձեռնարկել նոր հարձակումներ, օրինակ` Շրի Լանկայում: Այս մասին տեղեկացնում է The Sunday Telegraph-ը` վկայակոչելով տեղի հետախուզական ծառայությունների հայտարարությունը:

Ըստ հետախուզության ենթադրությունների` նոր հարձակումները կարող են կապված լինել այն բանի հետ, որ ԻՊ-ի աջակիցները խմբավորման ջախջախումից հետո այլևս հետաքրքրված չեն դրա ղեկավարման հարցերով և ազատ են իրագործել իրենց «ահաբեկչական պատկերացումները»:

Հավելվում է նաև, որ Իրաքը և Սիրիան լքած ԻՊ գրոհայիններն ավելի շատ կենտրոնացած են հանգստյան վայրերում նոր հարձակումներ կատարելու վրա:  Հնարավոր ահաբեկչությունների ծրագրում առավել խոցելի են համարվում Հնդկաստանը, Մալդիվները, ինչպես նաև Քենիայի և Տանզանիայի զբոսաշրջային տարածաշրջանները: