ԻՊ-ի ղեկավարը նոր հարձակումներ է ծրագրում Եվրոպայում

«Իսլամական պետություն» ահաբեկչական խմբավորման ղեկավար Աբու Բաքր ալ Բաղդադին նոր հարձակումներ է պլանավորում եվրոպական երկրներում: Այդ մասին հայտնում է Газета.ру-ն`վկայակոչելով  The Telegraph-ը, որն, իր հերթին, հղում է անում քրդական հետախուզության ղեկավար Լահուր Թալաբանիին:

«Մենք պատրաստվում ենք ավելի շատ թվով հարձակումներ տեսնել Արևմուտքում, որոնց նպատակն է բարձրացնել ծանր կորուստներ կրած մարտիկների ոգին»,- ասել է նա:

Թալաբանին նաև նշել է, որ Իրաքի տարածքում կարող են նոր երիտասարդ ծայրահեղականների խմբեր հայտնվել, եթե երկրի իշխանություններն այդ ուղղությամբ արմատական քաղաքական բարեփոխումներ չիրականացնեն: