ԱՄՆ-ն հակաօրինական քայլեր է անում. Զարիֆ

Իրանի արտաքին գործերի նախարար Մուհամադ Ջավադ Զարիֆը Թուրքիայի ԱԳՆ ղեկավար Մևլութ Չավուշօղլուի հետ համատեղ մամուլի ասուլիսում քննադատել է ԱՄՆ-ի` Իրանի դեմ քայլերը:

«ԱՄՆ-ն չի կարող ուրիշ երկրների հարաբերությունները վերահսկողության տակ պահել: Անցյալ տարի Իրանը նվազեցրել է մի շարք երկրների հետ տնտեսական հարաբերությունները, սակայն ամերիկացիները շարունակեցին Իրանի հետ առևտուրը: Դա էլ ԱՄՆ-ի երկերեսանիության և երկակի ստանդարտների օրինակ է: Մենք ոչ մի խնդիր չունենք ամերիկյան կազմակերպությունների հետ: Թույլ չենք տա, որ ԱՄՆ-ն միջամտի այլ երկրների հետ մեր հարաբերություններին: ԱՄՆ-ն հակաօրինական քայլեր է անում: Ամբողջ աշխարհը պետք է դուրս գա ԱՄՆ-ի այս կեցվածքի դեմ»,- Զարիֆի խոսքերն է մեջբերում Sputnik-ի թուրքական ծառայությունը: