Թուրքիան որոշել է ցեղասպանություն իրականացնել քրդերի նկատմամբ. քուրդ գործիչ

Ahval լրատվական գործակալությանը տված հարցազրույցում քրդական «Ժողովրդական միություն» կուսակցության (PYD) համանախագահ Աիշա Հասսուն հերքել է այն տեսակետը, ըստ որի` Սիրիայի քրդերը Թուրքիայի ազգային անվտանգությանն ուղղված սպառնալիք են, և այս մեղադրանքները Սիրիայի հյուսիսարևելյան շրջանները բռնազավթել ցանկացող թուրքական կառավարութան կողմից որպես պատճառաբանություն են օգտագործվում:

Ըստ Հասսուի` Թուրքիան չի ընդունում այս տարածքներում ոչ մի քաղաքական միավորման գոյություն: «Թուրքիան որոշել է իրականացնել քրդերի ցեղասպանություն, որպես հիմնական վտանգ և թշնամի` նրանց է տեսնում: Թուրքիան ծրագրել է բռնազավթել Իդլիբը, Ազեզը, Էլ Բաբը, Աֆրինը և Ջերաբլուսը: Թուրքական սպառնալիքները շարունակվում են, անընդհատ փորձում են օկուպացնել շրջանը: Այն քաղաքականությունը, որ վարում են Էրդողանը և «Արդարություն և զարգացում» կուսակցությունը մեծ սպառնալիք է` ուղղված ինչպես Մերձավոր Արևելքին, այնպես էլ ամբողջ աշխարհին»,- ասել է նա: