Ղազախստանի բնակիչները դեմ են Աստանան Նուրսուլթանի անվանափոխելուն

 Արդեն տեղեկացրել ենք, որ Ղազախստանի խորհրդարանը հավանության է արժանացրել սահմանադրական  ուղղումները, որոնցով երկրի մայրաքաղաք Աստանան պետք է անվանափոխվի Նուրսուլթանի` ի պատիվ  հրաժարական տված առաջին նախագահ Նուրսուլթան Նազարբաևի:

Երկրի բնակիչները, սակայն, դեմ են այդ որոշմանը.  gopetition.com կայքում համապատասխան խնդրագիր է հայտնվել. գրում է Лента.ру-ն: Խնդրագիրը տեղադրվել է կայքում մարտի 20-ին և բավականաչափ արագ կերպով ստորագրություններ է հավաքում:Երեկ երեկոյան այն ստորագրել էր արդեն 13,6 հազար մարդ: Խնդրագրի հեղինակների խոսքով՝ երկրի շատ ոլորտներում ֆինանսավորման դեֆիցիտ կա, և մայրաքաղաքի անվանափոխումը բյուջետային միջոցների չափազանց մեծ ներդրում է՝ սկսած հասարակ ցուցանակներից մինչև նավիգացիոն համակարգերի ու միջազգային պայմանագրերի փոփոխություն: