Թուրքիայում ամեն երեխա ծնվում է 5513 դոլար պարտքով. զեկույց

Թուրքիայում նախընտրական թեժ քարոզարշավի ընթացքում կուսակցությունները շարունակում են միմյանց մերկացնելուն ուղղված քայլերը: Գլխավոր ընդդիմադիր Հանրապետական-ժողովրդական կուսակցությունը հրապարակել է զեկույց, ըստ որի` Թուրքիայում ամեն երեխա ծնվում է 5 513 դոլար պարտքով: Զեկույցը, որը կոչվում է «Թուրքիայի ճգնաժամը», պատրաստել է ՀԺԿ տնտեսական քաղաքականության բաժինը. հաղորդում է gazeteduvar.com.tr կայքը:

Ըստ զեկույցի` Թուրքիայի պարտքը 2002 թվականից ի վեր (Էրդողանի` իշխանության գալուց հետո) ավելացել է 3.5 անգամ` հասնելով 450 միլիարդի: «Իշխանությունը գլուխ է գովում, թե Արժույթի միջազգային հիմնադրամին վճարել է 23.5 միլիարդ պարտք, այնինչ` 319 միլիարդ դոլարով այն ավելացրել է: 2002 թ. ամեն երեխա ծնվում էր 963 դոլար պարտքով, իսկ 2018 թ. այդ ցուցանիշը հասել է 5 513 դոլարի», - նշված է զեկույցում: