ՌԴ դեսպանը հերքում է Լուկաշենկոյի խոսքերը

Բելառուսում ՌԴ դեսպան Միխայիլ Բաբիչը հերքել է այն հայտարարությունները, թե Ռուսաստանը բացասական  վերաբերմունք ունի  Մինսկի և Արևմուտքի հարաբերությունների  բարելավման նկատմամբ. հայտնում է РИА Новости-ն:

Բաբիչը նշել է, որ Մոսկվան ամեն կերպ աջակցում է Բելառուսի իշխանությունների և ԵՄ-ի միջև հարաբերությունների կարգավորմանը:

Հիշեցնենք, որ Բելառուսի նախագահ Ալեքսանդր Լուկաշենկոն վերջերս հայտարարել էր, որ համագործակցությունը Արևմուտքի հետ հիստերիա է առաջացնում Ռուսաստանի Դաշնության մոտ:

«Այդ համագործակցությունը Արևմուտքի հետ այսօր ալերգիա  և երբեմն հիստերիա է առաջացնում մեր գլխավոր գործընկերոջ` Ռուսաստանի Դաշնության մոտ, ինչպես նաև` առանձին քաղաքական գործիչների մոտ: Հարց է առաջանում` ինչո՞ւ եք հիստերիա բարձրացնում: Մեր ապրանքը շուկա չեն թողնում, կենվոր են անվանում, դուրս են մղում, ճնշում, որտեղ հնարավոր է: Իսկ մենք ի՞նչ պետք է անենք, թաքնվե՞նք շրիշակի տակ ու այնտեղ նստենք»,- ասել էր Բելառուսի նախագահը: