Ալիևը բողոքել է ԵԱՀՄ գործող նախագահին

Ադրբեջանը հետաքրքրված է ԼՂ հակամարտության շուտափույթ կարգավորմամբ: Այդ մասին Բաքվում ԵԱՀԿ գործող նախագահ, Սլովակիայի ԱԳՆ ղեկավար Միրոսլավ Լայչակի հետ հանդիպման ժամանակ ասել է Ադրբեջանի նախագահ Իլհամ Ալիևը. հայտնում է Haqqin.az-ը:

Ալիևը նշել է, որ, չնայած  բանակցային գործընթացում առկա դինամիկային, երկու երկրների ԱԳՆ ղեկավարների վերջին 4 հանդիպումներին և Ադրբեջանի ու Հայաստանի ղեկավարների 3 հանդիպումներն, «Երևանը չի ցուցադրում առարկայական բանակցություններ վարելու լուրջ ցանկություն և ամեն կերպ փորձում է խոչընդոտել ԼՂ հակամարտության կարգավորմանը»:

«Շատ կարևոր է, որպեսզի միջազգային հանրությունը լուրջ ճնշում գործադրի Երևանի վրա` բանակցային գործընթացում առաջընթացի հասնելու և օկուպացված տարածքներից ՀՀ ԶՈւ-ն դուրս բերման համար»,- մասնավորապես ասել է նա: