Ալիևը Պուտինին բողոքել է Ֆրանսիայից և ԵՄ-ից

«Կոմերսանտ» թերթը, վկայակոչելով իր ադրբեջանական աղբյուրները, հայտնում է, որ Ալիևը փակ դռների հետևում Պուտինի հետ հանդիպման ժամանակ բողոքել է ԵՄ-ից։

Մասնավորապես՝  նա խիստ անհանգստացած է Ֆրանսիայի և Եվրամիության գործողություններից, որոնք վերջին շրջանում ակտիվորեն աջակցում են Հայաստանին:

«Կոմերսանտը» գրում է. «Բաքուն վրդովված է հակամարտության կարգավորման գործընթացում միջնորդի գործառույթ ստանձնելու՝ Եվրամիության փորձերից: Նրանք կարծում են, որ դա Երևանին դրդում է վերանայել Ռուսաստանի Դաշնության միջնորդությամբ ձեռք բերված պայմանավորվածությունները: Միևնույն ժամանակ, «Կոմերսանտի» ադրբեջանական աղբյուրը հասկացրել է, որ «խաղադրույք է կատարվում այն բանի վրա, որ Բաքվին սադրեն, արմատական քայլերի հրահրեն և դրանցում ռուսական բանակին ներգրավեն»: Նա նշել է, որ այս կրիտիկական պահին «անհրաժեշտություն կա համապատասխանեցնելու նախագահներ Պուտինի և Ալիևի գործողությունները»: