կարևոր
2557 դիտում, 8 ամիս առաջ - 2023-11-02 18:55
Քաղաքական

Խոստովանենք, որ հայ ազգը մեծամասնությամբ իրոք հոգնել է հայ ազգ լինելուց. Քոչարյան

Խոստովանենք, որ հայ ազգը մեծամասնությամբ իրոք հոգնել է հայ ազգ լինելուց. Քոչարյան

Իսկ որ խոստովանենք, որ հայ ազգը մեծամասնությամբ իրոք հոգնել է հայ ազգ լինելուց: Այս մասին ֆեյսբուքում գրել է Տիգրան Քոչարյանը.

Որ Հայաստանի հայը մեծամասնությամբ հոգնել է իր հաղթանակները պահպանելու ամենօրյա պայքարից ու գերադասեց, որ 120 000 արցախցի առանց Հայրենիք մնա, կուշտ փոր ունենալու խոստման դիմաց:

Որ Արցախի հայը մեծամասնությամբ հոգնել է փառապանծի կարգավիճակից ու ազգային ինքնորոշման պայքարից ու գերադասում է մտածել 100 000 դրամերից ու սեպտեմբերյան թոշակից, կամ երկրից գնալուց, բայց ոչ ինքնակազմակերպման ու արժանապատիվ վերադարձւի մասին:

Որ սփյուրքահայը,մեծամասնությամբ հոգնած լինելով, պաղեստինցու նման չի ներխուժի Բլինկենի ասուլիսի, չի ներխուժի Կոնգրեսի շենք, չի գողանա ադրբեջանական որևէ դիվանագետի և փոխանակի Բաքվում պատանդ պահված մարդկանց հետ:

Միգուցե ազգովի խոստովանվի, որ գեներալները մեծամասնությամբ հոգնել են սահմանները պաշտանելուց, որ ազգային վերնախավը մեծամասնությամբ հոգնել է ազգի դարդերով տապակվելուց,որ ընդդիմությունը մեծամասնությամբ հոգնել է ընդդիմանալ, որ հոգևորականը մեծամասնությամբ հոգնել են իր հոտից:

Իրար չխաբենք ու էսօր-վաղը ինչ-որ թիթեռնիկներ նկարենք:

Միգուցե խոստովանեք, որ հոգնել եք ու մի կողմ քաշվեք:

Որ չհոգնած ծիլերը առաջ գան:

Որ Հայաստանի հայը կրկին գլուխը բարձր պահի Հաայստանից դուրս:

Որ Արցախի հայը Արցախը կրկին շենացնի:

Որ սփյուրքահայը վերգտնի իր ու Հայրենիքի կապը: