ԼՀԿ-ն դեմ է քվեարկելու կառավարության ծրագրին. Մարուքյան

Ազգային ժողովի «Լուսավոր Հայաստան» խմբակցությունը դեմ է քվեարկելու կառավարության ծրագրին։ Այս մասին քիչ առաջ հայտարարեց ԼՀԿ խմբակցության ղեկավար Էդմոն Մարուքյանը:

««Լուսավոր Հայաստանը» դեմ է քվեարկելու այս նախագծին: Միայն կառավարության կառուցվածքը  բավարար է, որ մենք դեմ քվեարկենք՝ առանց ծրագիրը կարդալու»,- շեշտեց նա:

Պատգամավորը նաև ընդգծեց՝ քննադատությունները իշխանությունը պետք է հանդուժողականությամբ լսի՝ առանց նեղանալու։ «Բա մեր դերն ինչի՞ համար է։ Ասում եք՝ բայց դուք ո՞նց կարող է դեմ լինեք: Ժողովո'ւրդ, կարո՞ղ է դուք սպասում էիք` գաք խորհրդարան, ու ընդդիմությունը գովեր ձեզ, քծներ ձեզ ու չասեր այն, ինչ անկեղծ մտածում է»,- նշեց Մարուքյանը: