Ոստիկանությունն ու ԱԱԾ-ն չպետք է վերածվեն նախարարությունների. Լիլիթ Մակունց

«Իմ քայլը» խմբակցության ղեկավար Լիլիթ Մակունցը պնդում է, որ իրենք դեռ չեն քննարկել` ոստիկանությունն ու ԱԱԾ-ն պետք է վերածվեն նախարարությունների՞, թե՞ ոչ: Այս մասին նա հայտնեց ԱԺ ճեպազրույցների ժամին:

Նա նշեց, որ խորհրդարանը պետք է ունենա վերահսկողություն այդ կառույցների նկատմամբ: «Խորհրդարանն այսօր ունի այդ լծակները: Եթե փորձում ենք ավելի հաշվետու դարձնել այդ կառույցները, պետք է խմբակցությունների հետ գտնել այդ ձևաչափը», - հայտարարեց Մակունցը:

Ըստ նրա` ոստիկանությունն ու ԱԱԾ-ն չպետք է վերածվեն նախարարությունների և ունենան քաղաքական ուղղվածություն:

Ճշտող հարցին` այդ մարմինները վարչապետի՞, թե՞ կառավարության վերահսկողության տակ պիտի լինեն, Մակունցը պատասխանեց, որ չի կարող հանպատրաստից այդ մասին կարծիք հայտնել: «Արդեն նշեցի, որ «Իմ քայլում» պաշտոնական քննարկումներ չեն եղել, չեմ ուզում այսպես կարծիք հայտնել այս մասին»,- ասաց նա: