Ողբերգական դեպք Տավուշի Բերդ համայնքում. մոր և որդու են սպանել

Տավուշի մարզի Բերդ քաղաքում այսօր ողբերգական դեպք է գրանցվել: Բերդ համայնքի ղեկավար Հարություն Մանուչարյանը Yerkir.am-ի հետ զրույցում նշեց, որ այսօր համայնքի բնակարաններից մեկում հայտնաբերվել են մոր և որդու դիեր:

«Տղային ճանաչում եմ, նորմալ տղա էր: Մայրն էլ տարիքով մեծ կին էր: Այս պահին դեպքի վայրում աշխատում են իրավապահները, դեռ ոչինչ չգիտենք»,- ասաց նա:

Ոստիկանության լրատվության բաժնից էլ տեղեկացրեցին, որ այսօր առավոտյան` ժամը 10:50-ի սահմաններում, ահազանգ է սպացվել, որ Տավուշի մարզի Բերդ համայնքի Ուտիք թաղամասում մայր և որդու են սպանել: Մեկնած օպերատիվ խումբն արձանագրել է, որ դեկտեմբերի 23-ի ժամը 21:30-ի մինչև դեկտեմբերի 24-ը ժամը 10:50-ի շրջանում կտրող, ծակող գործիքներով սպանել են 1961թ. ծնված Հրաչ Դ.-ին և 1931թ. ծնված Արուսյակ Դ.-ին:

Իրականացվում է դատաբժշկական փորձաքննություն, հարուցվել է քրեական գործ: