Արման Նավասարդյանը` Սոս Սարգսյանի անվան համազգային թատրոնի տնօրենի ԺՊ

Սոս Սարգսյանի անվան համազգային թատրոնը տնօրենի նոր ժամանակավոր պաշտոնակատար ունի: ՀՀ մշակույթի նախարարի ժամանակավոր պաշտոնակատար Լիլիթ Մակունցի հրամանով` թատրոնի տնօրենի ԺՊ է նշանակվել թատրոնի դերասան Արման Նավասարդյանը: Այս մասին Yerkir.am-ի հետ զրույցում հայտնեց դերասանը:

Նավասարդյանը տեղեկացրեց նաև, որ վաղն ինքն ու դերասանուհի Նարինե Գրիգորյանը հանդես կգան մամուլի ասուլիսով` ներկայացնելով իրենց առաջիկա անելիքների մասին մանրամասները:

Հիշեցնենք, որ դերասանները հենց Նավասարդյանին են ուզում տեսնել տնօրենի պաշտոնում: Իսկ Նավասարդյանը Yerkir.am-ի հետ զրույցում նշել էր, որ պատրաստվում է մրցույթ հայտարարելուց հետո դիմել տնօրենի հաստիքի համար: