Անգամ փախչել չես հասցնի. Էրդողանը Ֆրանսիայի օրինակով սպառնացել է ընդդիմությանը

Թուրքիայի նախագահ Ռեջեփ Թայիփ Էրդողանը զգուշացրել է երկրի ընդդիմությանը` չփորձել հետևել Ֆրանսիայի «Դեղին բաճկոններ»-ի բողոքի ակցիաների մասնակիցների օրինակին:

Ըստ CNN Turk-ի` դիմելով Թուրքիայի գլխավոր ընդդիմադիր Ժողովրդահանրապետական կուսակցությանը, նա ասել է, որ ֆրանսիացիների օրինակին հետևելու դեպքում ընդդիմադիրներին սպասվում է այն հաշվեհարդարը, որը Թուրքիայի իշխանությունները տեսան ռազմական հեղաշրջման փորձի մասնակիցների հետ: «Անգամ փախչել չես հասցնի»,- ասել է Էրդողանը:

Հիշեցնենք, որ Ֆրանսիայում  բենզինի գնի թանկացման պատճառով լայնամաշստաբ ցույցեր էին սկսվել: Ցույցը ցրելու համար ոստիկանները կիրառել էին արցունքաբեր գազ: Գրանցվել էին նաև հարյուրավոր ձերբակալություններ: