Պետք է քաղաքակիրթ ճանապարհով մերժենք բոլոր տոտալիտար աղանդները. Փաշինյան

Արտաշատ քաղաքում քարոզարշավի ընթացքում Նիկոլ Փաշինյանը հարկ համարեց ընդգծել իր հավատարմությունը Հայ Առաքելական եկեղեցու արժեքներին:

«Ես` ինքս, Հայ Առաքելական եկեղեցու հետևորդ եմ, բայց ուզում եմ բարձրաձայնել նաև մեր հայ կաթոլիկ եղբայրներին, ավետարանական մեր եղբայրներին, որ մենք, այո, հավատարիմ պիտի լինենք մեր քրիստոնեական արմատներին, ինքնությանը: Այո, մենք պետք է քաղաքակիրթ ճանապարհով մերժենք այն բոլոր տոտալիտար աղանդները, որոնք մարդուն զրկում են ազատությունից, ինքնուրույնությունից և ինքնիշխանությունից։ Մենք պետք է դա անենք և այն պետք է լինի մեր հաջորդ կարևորագույն խնդիրը»,- ասաց նա՝ շեշտելով, որ մենք Արտաշես արքայի, Գրիգոր Լուսավորչի, Տիգրան Մեծի, Մաշտոցի և Նարեկացու  սերունդն ենք, և որ հայը փոքր ժողովուրդ չէ:

Փաշինյանն իր այս միտքն ամփոփեց Պարույր Սևակի  «Հայաստան» բանաստեղծությամբ: