Մերկելը կոչ է արել Կիևին` «խելացի մոտեցում» ցուցաբերել

Կիևը պետք է «խելացի մոտեցում» ցուցաբերի` կապված Սև ծովում տեղի ունեցած միջադեպի հետ: Այդ մասին հայտարարել է Գերմանիայի կանցլեր Անգելա Մերկելը. հայտնում է РИА Новости-ն:

«Ես մտադիր եմ քննարկել այդ թեման ՌԴ նախագահի հետ «Մեծ քսանյակ»-ի գագաթնաժողովի ժամանակ: Մենք հոգ կտանենք այդ մասին, սակայն խնդրանք ունենք ուկրաինական կողմին` խելացի մոտեցում ցուցաբերել: Մենք գիտենք, որ հարցը կարող ենք լուծել միայն խելամիտ կերպով, միմյանց հետ բանակցությունների շրջանակում, քանի որ ռազմական լուծում հնարավոր չէ»,- ասել է Մերկելը:

Ռուս-ուկրաինական հարաբերությունները սրվել են այն բանից հետո, երբ ուկրաինական նավերը խախտել են ՌԴ-ի սահմանը և ձերբակալվել: