Ռուս գիտնականն ասել է` դեռ որքան կգոյատևի Արևը

Արևը ներկայումս ապրել է իր կյանքի մոտ կեսը, որի տևողություն գնահատվում է 10 մլրդ տարի, և կմարի մոտ 4,5 մլրդ տարի հետո: Այդ մասին РИА Новости-ի հետ զրույցում ասել է Ռուսաստանի գիտությունների  ակադեմիայի Երկրի մագնիսականության, իոնոսֆերայի և ռադիոալիքների տարածման ինստիտուտի տնօրեն Վլադիմիր Կուզնեցովը:

Նրա խոսքով` երբ այրվի Արևի ամբողջ ջրածինը, կսկսի այրվել հելիումը, այնուհետև` ավելի ծանր տարրերը: Արդյունքում` մոտավորապես 5 մլրդ տարի հետո Արևի էներգետիկան և ուժերի հավասարակշռությունը կփոխվեն, և այն կընդլայնվի` հասնելով մոտավորապես Վեներայի ուղեծրին և կվերածվի կարմիր հսկայի: Այն կկլանի ներքին մոլորակները, կայրի Երկիրը և կսկսի սառչել: Այնուհետև կվերածվի 10 կմ շառավղով սպիտակ թզուկի, որի շուրջ կշարունակեն պտտվել մոլորակների մնացորդները: