Նավաստիները Պորոշենկոյի խաղում խաղաքարտ են դարձել. Պատրուշև

ՌԴ անվտանգության խորհրդի քարտուղար Նիկոլայ Պատրուշևը հայտարարել է, որ ուկրաինացի ռազմական նավաստիները Ուկրաինայի նախագահ Պյոտր Պորոշենկոյի խաղում խաղաքարտ են դարձել: Այդ մասին նա ասել է Аргументы и факты-ի հետ զրույցում:

Ըստ նրա` Պորոշենկոն «պատրաստ է գնալ ցանկացած հանցագործության իշխանութունը պահելու շանսերը մեծացնելու համար, իսկ շանսերը ներկայիս պայմաններում մեծ չեն»:

Կիրակի ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված: