Պետդումայի շենքում կայացել է «Հրաչյա Պողոսյան» բարեգործական հիմնադրամի գործունեության մասին պատմող ցուցահանդես

ՌԴ Պետդումայի շենքում նոյեմբերի 14-ին կայացել է «Հիշողություն. ժամանակի միջով» խորագրով ցուցահանդեսի բացման հանդիսավոր արարողությունը, որը նվիրված է Ազգային միասնության օրվան և պատմում է Հրաչյա Պողոսյանի անունը կրող պետերբուրգյան բարեգործական հիմնադրամի լայնածավալ գործունեության մասին. հայտնում է radichesti.ru-ն:

Ցուցահանդեսը հիմնադրամի և նրա նախագահ Հրաչյա Պողոսյանի երկարատև բարեգործական աշխատանքի ցուցադրությունն է, որն ուղղված է Հայրենական մեծ պատերազմի հերոսների և իրադարձությունների մասին պատմական հիշողության պահպանմանը, հոգևոր կապերի ամրապնդմանը, սոցիալական նշանակության ծրագրերին աջակցությանը: