Իմ սկզբունքային մոտեցումն է` Հայաստանը պետք է շարունակի իր պաշտոնավարումը ՀԱՊԿ-ում. Դավիթ Տոնոյան

Հաշվի առնելով, որ մինչև 2020 թվականը պաշոտնավարումը Հայաստանինն է, որոշումը կկայացվի երկու օրվա ընթացքում, կտեղեկացնենք. խորհրդարանում լրագրողների հետ զրույցում ասաց ՀՀ պաշտպանության նախարարի պաշտոնակատար Դավիթ Տոնոյանը` անդրադառնալով ՀԱՊԿ գլխավոր քարտուղարի շուրջ ստեղծված իրավիճակին:

Հարցին` իսկ եթե այդ որոշումը հօգուտ մեզ չլինի՞, նա պատասխանեց. «Ես այդպես չէի ձևակերպի` հօգուտ ինչ-որ մեկին: ՀԱՊԿ-ում կա նորմատիվ իրավակարգավորում: Պետք է որոշում կայացվի երկրների ղեկավարների կողմից: Այս փուլում մեր հերթն է»:

Տոնոյանը չբացառեց, որ հնարավոր է կան որոշակի քաղաքական պայմանավորվածություններ: «Եկեք երկու օր սպասենք, որովհետև կարող են լինել որոշակի քաղաքական պայմանավորվածություններ, որոնց մասին ես ուղղակի տեղյակ չեմ: Բայց ես մեկ անգամ արտահայտվել եմ՝ իմ սկզբունքային մոտեցումն այն է, որ Հայաստանը պետք է շարունակի իր պաշտոնավարումը»,- ասաց նա: