ՌԴ-ն տնտեսական պատժամիջոցներ է սահմանել Ուկրաինայի նկատմամբ

ՌԴ վարչապետ Դմիտրի Մեդվեդևը որոշում է ստորագրել Ուկրաինայի նկատմամբ տնտեսական պատժամիջոցներ սահմանելու մասին. հայտնում է Интерфакс-ը:

Պատժամիջոցները կտարածվեն Ուկրաինայի 332 քաղաքացու և 68 ընկերության վրա: Դրանք նախատեսում են ՌԴ-ի տարածքում ոչ կանխիկ գումարային միջոցների սառեցում, ինչպես նաև ՌԴ-ից կապիտալի դուրս բերման արգելք:

Պատժամիջոցների ցուցակում են հայտնվել երկրի ՆԳՆ ղեկավար Արսեն Ավակովը, նախկին վարչապետ Յուլյա Տիմոշենկոն, նախագահ Պյոտր Պորոշենկոյի ավագ որդին և այլք:

Սեպտեմբերի վերջին Ուկրաինան պատժամիջոցներ սահմանեց ռուսական տրանսպորտային ընկերությունների նկատմամբ Դոնեցկի և Լուգանսկի հանրապետությունների հետ համագործակցության համար: