Ներդրողների համար, եթե գալիս են գործընկերներս, հարգանք կա, պատիվ կա, ու երաշխիքն էլ ես եմ. Ծառուկյան

Ներդրողների համար, եթե գալիս են իմ գործընկերները, հարգանք կա, պատիվ կա, երաշխիքն էլ ես եմ. լրագրողների հետ զրույցում ասաց ԲՀԿ առաջնորդ Գագիկ Ծառուկյանը՝  խոսելով նոր իշխանության նկատմամբ ներդրողների վստահության մասին:

Նա նշեց, որ եթե ինքն ինչ-որ բան է ասում, ասածին տեր է լինում: «Բայց հիմա իմ ուզածն այն է, որ ոչ թե ես լինեմ երաշխիքը, այլ պետությունը: Մենք բոլորի վրա էլ հույս ենք դնում: Խորհրդարանական ընտրություններից հետո էլ պետք է բոլոր հարցերի պատասխանը տրվի գործարարներին, որ ոչ թե երաշխիքը Ծառուկյան Գագիկը լինի, այլ պետությունը»,- ասաց Ծառուկյանը:

Դիտարկմանը, թե Փաշինյանն ասել է, որ ներդրումների խնդիր կա, նա պատասխանեց. «Մարդն ասում է՝ բարիկադները քանդել ենք, հիմա էլ պիտի ամեն մեկն իր հնարավորության շրջանակներում օգնի` աշխատենք, ամեն ինչ նորմալ լինի»: