ՌԴ ՊՆ-ն հայտնել է Սիրիայում Իլ-20-ի անհետանալու մասին

Սիրիայի Հմեյմիմ ռուսական բազայի հրամանատարությունը սեպտեմբերի 17-ի երեկոյան կորցրել է կապը օդատիեզերական ուժերի Իլ-20 ինքնաթիռի հետ: Այդ մասին հայտնել է ՌԴ պաշտպանության նախարարությունը. տեղեկացնում է РИА Новости-ն:

Անձնակազմի հետ կապը կորել է Միջերկրական ծովում` Սիրիայի ափից 35 կիլոմետր հեռու: Ինքնաթիռում եղել է 14 մարդ:

Ռուսական ավիաբազայի հրամանատարությունը սկսել է որոնողա-փրկարարական գործողություն:

ՌԴ ՊՆ-ն նշել է, որ Իլ-20-ն անհետացել է ռադարներից Լաթաքիա շրջանի վրա չորս իսրայելական F-16 ինքնաթիռների գրոհի ժամանակ: Իսրայելցի զինվորականները հրաժարվել են մեկնաբանել գերատեսչության հայտարարությունը: