Դաշնակցականները Վանաձորում հարգել են Լիզբոնի 5 հերոսների հիշատակը. տեսանյութ

Այսօր, ՀՅԴ Լոռու մարզային կոմիտեի նախաձեռնությամբ, Վանաձորի Սուրբ Մարիամ Աստվածածին եկեղեցու բակում տեղի ունեցավ Լիզբոնի 5 նահատակներին նվիրված հոգեհանգստի արարողություն, որին մասնակցում էին ԱԺ պատգամավոր Արմենուհի Կյուրեղյանը, Լոռու մարզային կոմիտեի, Վանաձորի կոմիտեության անդամներ, ՀՅԴ Վանաձորի ամառային ճամբարի 120-ից ավելի մասնակիցներ, Կանադայի ՀՅԴ երիտասարդական միության անդամներ, Վանաձորի և քույր-քաղաք Փասադենայի ՀՕՄ-ուհիներ:

Հոգեհանգստի արարողությունն անցկացրեց Վահան քահանա Ազարյանը: «Շատ-շատերը մինչ օրս էլ չեն հասկանում, թե ինչ է վերքը, վերքի բուժման ընթացքը, և տկարաբար այս տղաներին կոչում են ահաբեկիչներ, չնայած նրան, որ ոչ մեկի սրտի ու արյան մեջ ահաբեկչի տրոփյուն չի գտնվում»,- նշել է նա:

«Բեյրութցի տղաները գնացին գիտակցված մահվան՝ փաստելով, որ իրենց պայքարը արկածախնդրություն չէ, այլ բարոյական և քաղաքական առումով արդարացված պայքար»,- ասաց Լոռու ՄԿ նախագահ Ռոբերտ Գրիգորյանը:

Մանրամասները` տեսանյութում: