Հերթական քաշքշուկը` Թուրքիայի խորհրդարանում

Թուրքիայի խորհրդարանում քաշքշուկ է տեղի ունեցել ընդդիմադիր քրդամետ Ժողովուրդների դեմոկրատական և իշխող «Արդարություն և զարգացում» կուսակցությունների պատգամավորների միջև։

Ըստ DHA-ի` քրդամետ կուսակցության` Ստամբուլից պատգամավոր Ահմեթ Շըքը իշխող կուսակցությանը մեղադրել է ապօրինաբար իշխանությունը զավթելու մեջ։ «Ճշմարիտ խոսողների դեմ դուք ձեր անկարողությունը արտահայտում եք ագրեսիվությամբ»,- ասել է նա։

Այս խոսքերից հետո դեպի քրդամետ պատգամավորն են շարժվել իշխող կուսակցության պատգամավորները։ Նրանք փորձել են խանգարել Շըքին, հետո սկսվել է քաշքշոց։

Թուրքիայի խորհրդարանի նախագահի պաշտոնակատար Մուստաֆա Շենթոֆը ստիպված է եղել 5 րոպեանոց ընդմիջում հայտարարել։

Տեղի ունեցածից հետո քրդամետ պատգամավորը պատժվել է` զրկվելով Թուրքիայի խորհրդարանի` առաջիկա 2 նիստին մասնակցելու իրավունքից:

Որպես բողոքի նշան՝ քրդամետ կուսակցության մի քանի պատգամավորներ լքել են մեջլիսի դահլիճը։