ՏԵՍԱՆՅՈՒԹ․ Քաջարանի քաղաքապետը հարթեցրեց քաշքշուկը իր աջակիցների ու ոստիկանների միջև

Քաշքշուկ տեղի ունեցավ Քաջարանի քաղաքապետ Մանվել Փարամազյանի աջակիցների ու ոստիկանների միջև Քննչական կոմիտեի բակում, որտեղ հարցաքննում էին Փարամազյանին՝ հայտնում է Yerkir.am-ը։

Վեճը ծագեց այն բանից հետո, երբ աջակիցները փակել էին ՔԿ-ի դիմացի փողոցը, բայց տաքսու մի վարորդ ցանկանում էր անցնել Քննչական կոմիտեի շենքի դիմացի՝ փակված ճանապարհով։

Քաջարանի քաղաքապետը դուրս եկավ, հանդարտեցրեց իր աջակիցներին, ոստիկաններին մի կողմ հրեց և կարգավորեց իրավիճակը։

Նշենք, որ Քաջարանի քաղաքապետ Մանվել Փարամազյանն այսօր հրավիրվել էր ՀՀ քննչական կոմիտե՝ հարցաքննության։ Ենթադրվում է, որ Փարամազյանը հարցաքննվելու է ապօրինի հավաքներ կազմակերպելու եւ անցկացնելու վերաբերյալ հարուցված քրեական գործով։ Նույն քրեական գործով մեղադրանք է առաջադրվել Գորիսի քաղաքապետ Առուշ Առուշանյանին եւ կալանքի միջնորդություն ներկայացվել դատարան։ Սյունիքի մարզի բոլոր համայնքապետերը, այդ թվում Քաջարանի համայնքապետը պահանջում են Նիկոլ Փաշինյանի հրաժարականը:

Մանրամասն՝ տեսանյութում․