Գերմանացի լրագրողը Չավուշօղլուին հունից հանել է. տեսանյութ

Թուրքիայի ԱԳ նախարար Մևլութ Չավուշօղլուն Գերմանիայում հյուրընկալվել է գերմանական «Դոյչե Վելլե» հեռուստաընկերության «Կոնֆլիկտի գոտի» հաղորդմանը:

Ըստ DHA-ի` հաղորդավար Թիմ Սեբաստիանի սուր հարցերն ու մեկնաբանությունները լարվածություն են առաջացրել զրուցակիցների միջև, որի արդյունքում Չավուշօղլուն նկատողություն է արել՝ ասելով, որ հարցազրույցն այդպես չեն վարում:

«Հարց եք տալիս, դեռ նախադասությունս չավարտած` կտրում եք խոսքս: Տվե՛ք Ձեր հարցը և սպասե՛ք պատասխանի: Ստիպված եք հարգանք ցուցաբերել: Ինձ չեք հարգում, ռեպորտաժն այդպես չեն անում»,- ասել է նա` հավելելով, որ եթե իրենց նպատակը Թուրքիայի ԱԳ նախարարին ստորացնելն է, ապա «դա չի ստացվի»: