Հայ Դատի հանձնախումբը Հայաստանին 140 միլիոն դոլար դրամաշնորհ տրամադրելու կոչ է արել

Երեկ Նիկոլ Փաշինյանի՝ վարչապետի պաշտոնում ընտրվելուց հետո Ամերիկայի Հայ Դատի հանձնախումբը ԱՄՆ պետքարտուղար Մայք Պոմպեոյին կոչ է հղել:

Ինչպես տեղեկանում ենք ԱՄՆ Հայ Դատի պաշտոնական կայքէջից` հանձնախումբը պետքարտուղարին կոչ է արել աջակցել Հայաստանում աննախադեպ, խաղաղ և սահմանադրական իշխանափոխությունը հաջողությամբ ավարտին հասցնելուն՝ արագացված կարգով քննարկելով «Հազարամյակի մարտահրավեր» կորպորացիայի միջոցով 140 միլիոն դոլարի դրամաշնորհ տրամադրելու հնարավորությունը, որը կուղղվի երկրի հանրակրթական դպրոցների գիտական, տեխնոլոգիական, ճարտարագիտական, արվեստի և մաթեմատիկայի կրթական ծրագրերին:

Հայ Դատի հաղորդմամբ` դրամաշնորհը, հավանաբար, կտրամադրվի 5 տարվա համար: