Սա աննախադեպ երևույթ է. Արա Բաբլոյան

Մեկնարկեց ԱԺ հատուկ նիստը: ԱԺ նախագահ Արա Բաբլոյանը նշեց, որ այսօրվա նիստը, որի օրակարգում երկրի վարչապետի ընտրությունն է, տեղի է ունենում յուրահատուկ իրավիճակում: Ըստ նրա՝ իրավիճակը յուրահատուկ է, քանի որ խորհրդարանական մեծամասնությունը թեկնածու չի առաջադրել, և քննարկում են փոքրամասնության առաջարկած թեկնածուի հարցը:

«Սա աննախադեպ երևույթ է մեր իրականության մեջ: Միևնույն ժամանակ վստահ եմ, որ, անկախ նրանից, թե ինչ կարծիք կունենա մեզանից յուրաքանչյուրը, մեր հիմնական նպատակը երկրի կայունությունն ու ժողովրդի բարօրությունն է: Այսօրվա քննարկումների ժամանակ էլ զուսպ ու բարեկիրթ լինենք, մենք կարող ենք ու պարտավոր քննարկումներն անցկացնել հանդուրժողական մթնոլորտում»,- ասաց Բաբլոյանը: