Ծեծել են Գարեգին Նուշիկյանի որդուն

Օրեր առաջ Երևանում ծեծի է ենթարկվել նախկին պատգամավոր Գարեգին Նուշիկյանի որդին` Գարիկ Նուշիկյանը:

Yerkir.am-ին ոստիկանությունից հայտնեցին, որ ապրիլի 19-ին` ժամը 10:10-ին, հիվանդանոցից ոստիկանություն հաղորդում է ստացվել, որ վնասվածքներով իրենց մոտ բուժօգնության է դիմել 1994-ին ծնված Գ. Ն.-ն: Նա հայտնել է, որ վնասվածքը ստացել է Թումանյան փողոցում:

Պարզվել է, որ ապրիլի 18-ի երեկոյան Թումանյան-Փարպեցի փողոցների խաչմերուկում գործող սրճարանում վիճաբանության ժամանակ անհայտ անձը ձեռքերով հարվածներ է հասցրել Գ. Ն.-ի գլխի և մարմնի տարբեր հատվածներին:

Ոստիկանությունից հայտնեցին, որ դեպքի կապակցությամբ նշանակվել է դատաբժշկական փորձաքննություն, կատարվում է քննություն: