Քաղաքացիական հագուստով թուրք ոստիկանները հեռացնում են Աթեշյանի դեմ փողոցներում փակցված թռուցիկները

Թուրքիայում ՆԳ նախարարության միջամտությամբ Պոլսի հայոց պատրիարքի փոխանորդի պաշտոնում կրկին հայտնվել է Արամ արքեպիսկոպոս Աթեշյանը:

Ըստ «Ակօս»-ի՝ նրա դեմ ցույցերը մինչ օրս շարունակվում են: Քուրթուլուշ և Ֆերիքոյ փողոցներում փակցվել են Աթեշյանի լուսանկարով թռուցիկներ, որոնց վրա սև ֆոնով փակված են նրա աչքերը: Հայտնի է դարձել, որ անհայտ անձանց կողմից փակցված թռուցիկների գործով ոստիկանությունը հետաքննություն է սկսել: Նախորդ շաբաթ քաղաքացիական հագուստով ոստիկանները վերոնշյալ փողոցներում գտնվող մի շարք աշխատավայրերում և տներում որոնողական աշխատանքներ են իրականացրել: Սոտւգումներ անցկացնելու նպատակով նրանք նաև վերցրել են փողոցներում տեղադրված տեսախցիկների տեսագրությունները:

Պարզվել է՝ ոստիկանները թռուցիկները հնարավորինս հեռացրել են փողոցներից:

Փաստաբան Սեբու Ասլանգիլը հայտնել է, որ փողոցներում թռուցիկ փակցնելը հանցանք չի համարվում այնքան ժամանակ, քանի դեռ դրանցում հանցագործություն ենթադրող տարր չի պարունակվում: