Կարեն Կարապետյանին ՀՀԿ-ին հակադրելու բոլոր փորձերը որևէ նպատակի չեն ծառայելու. Շարմազանով

Այսօր ՀՀԿ ԳՄ նիստից հետո ՀՀԿ խոսնակ Էդուարդ Շարմազանովն անդրադարձավ վարչապետ Կարեն Կարապետյանի կառավարության արձանագրած ցուցանիշներին: Ըստ Շարմազանովի, Կարեն Կարապետյանի ղեկավարած կառավարությունը արդյունավետ է աշխատել վերջին մեկ տարում, ապահովելով 7,5 տոկոս տնտեսական աճ, ինչը արդյունք է ՀՀԿ-ի և ՀՅԴ-ի միասնական կոալիցիոն կառավարության գործունեության:

«Բոլոր փորձերը վարչապետ Կարեն Կարապետյանին ՀՀԿ-ից անջատելու կամ ՀՀԿ-ին հակադրության մեջ դնելու, ոչ միայն անթույլատրելի են, այլ նաև որևէ նպատակի չեն ծառայելու: Վարչապետ Կարեն Կարապետյանը մեր թիմի առանցքային անդամներից մեկն է, մեր քաղաքական թիմի անդամ, և իրականացնում է ՀՀԿ-ի ու ՀՀԿ նախագահի միասնական քաղաքականությունը: Իսկ թե ինչ կորոշի քաղաքական մեծամասնությունը ապրիլի 9-16-ի ընթացքում, մենք դեռ չենք քննարկել»,- ասաց Շարմազանովը: