Վստահ չեմ, որ ՀՀԿ-ն կներկայանա արտահերթ նիստին. Նիկոլ Փաշինյան

ԱԺ «Ելք» խմբակցության ղեկավար Նիկոլ Փաշինյանի կարծիքով`ԱԺ վերջին նիստերը ցույց տվեցին, որ լիազորությունների գերկենտրոնացում է տեղի ունենում վարչապետի շուրջ: «Սա, ըստ էության, շատ լուրջ վտանգներ է ստեղծում Հայաստանի հետագա քաղաքական իրավիճակի համար և լրջորեն մտահոգում է մեզ»,- ԱԺ ճեպազրույցների ժամին հայտարարեց նա:

Ինչ վերաբերում է ուրբաթ օրը «Ելք»-ի նախաձեռնած` ԱԺ արտահերթ նիստին, Փաշինյանը վստահ չէ, որ ՀՀԿ-ն կմասնակցի դրան, և քվորում կլինի` նիստն անցկացնելու համար: «Վստահ չեմ, որ Հանրապետական խմբակցությունը կներկայանա այդ արտահերթին։ Բայց ուզում եմ ձեր ուշադրությունը հրավիրել այն հանգամանքի վրա, որ սա, փաստորեն, այս գումարման ԱԺ-ում ընդդիմության հրավիրած առաջին արտահերթ նիստն է»,- նշեց նա։

Հիշեցնենք, որ փետրվարի 16-ին` ժամը 11:00-ին, ԱԺ-ում «Ելք»-ի նախաձեռնությամբ կգումարվի արտահերթ նիստ՝ թանկացումների թեմայով։