Մոսկվայում կարող է փակվել միակ հայկական դպրոցը

Մոսկվայում կարող են փակել միակ պետական հայկական դպրոցը: Այդ մասին հայտնել է N 1650 դպրոցի կառավարման խորհրդի նախագահ Իրինա Ռուբանովան. հայտնում է Sputnik-Армения-ն:

Դպրոցը հիմնվել է 1989-ին` Սպիտակի երկրաշարժից հետո, որպեսզի Մոսկվայում բուժվող երեխաները կարողանան շարունակել ուսումը:

Ռուբանովան ասել է, որ հայկական դպրոցը մտադիր են միացնել տեղի մոսկովյան դպրոցին, ինչպես նաև պահանջում են ֆինանսավորում գտնել: Նրա խոսքով`դպրոցն արդեն դիմել է Ռուսաստանի հայերի միությանը և հայկական այլ կազմակերպությունների, սակայն` ապարդյուն:

Նշվում է, որ ՀՀ կրթության նախարարությունն արել է հնարավորը այդ հարցում` պատրաստակամություն հայտնելով դպրոցի բազայի վրա ապահովել Երևանի և Մոսկվայի միջև կրթական նախագծերի իրականացում, մասնավորապես` ուսումնամեթոդական և կադրային ապահովման հարցերում:

Դպրոցի ճակատագիրը պետք է որոշվի մինչև 2017-ի հունվարի 1-ը: