Գազի գինը կմնա անփոփոխ

Այսօր կառավարության նիստում էներգետիկ ենթակառուցվածքների և բնական պաշարների նախարար Աշոտ Մանուկյանը փոփոխություն ներկայացրեց ՀՀ և ՌԴ կառավարությունների միջև կնքված համապատասխան իրավական ակտում: Նախարարի խոսքով` բոլորովին վերջերս Հայաստան կատարած այցի ընթացքում ՌԴ վարչապետը համաձայնություն ձեռք բերեց ՀՀ վարչապետի հետ, որով Հայաստան ներկրվող բնական գազի գինը եկող տարվա համար մնում է անփոփոխ: Այդ որոշումը ամրագրվում է փոփոխության մեջ:

Վարչապետը հարցրեց. «Անցյալ տարի սոցիալապես անապահով ընտանիքների, վերամշակող ձեռնարկությունների, սահմանամերձ համայնքների համար սահմանել էինք դիֆերենցված մոտեցում: Այս տարվա համար մենք անելու բան ունե՞նք, որպեսզի այդ ամենը նույնը մնա»:

Հարցին պատասխանեց ՀԾԿՀ նախագահ Ռոբերտ Նազարյանը: Ըստ նրա` այդ կարգը կմնա անփոփոխ: